Pu Thanzuala Kawlni kan thren ta

Chanchin

Pu Thanzuala hi Upa Lalchhina (L) leh Pi Tlangrualthangi (L) te fa 7 zinga upa ber dawttu ni turin July ni 10, 1931 zan laiah Khawruhlian khuaah a lo piang a. February ni 5, 1965-ah Biaktluangi nen Khawruhlianah kohhran dan thianghlimin an innei a. Fa hmeichhia pahnih leh mipa pahnih bakah tu sawm pakhat an nei.

Mizia
A naupanlai atrangin naupang harh vang leh tihnuam tak a ni a, mi pawisawi ngai lo, trawngtam lo tak a ni. A bula awm a nuam hle thrin. Zai leh rimawi a ngainain a tui hle a, hlate pawh a phuah nual a ni. Pa kawm nuam leh mi thil phal, mahni ei aia mi dangte pawh pe duh a ni a. (Keini ang duangte pawh hi han leng lut ila min kawm bawrh bawrh thrin) Mi taima, hna duh leh invawng tak a ni a. Kohhranah a inhmangin inkhawm hi a thlah ngai lo tluk a ni.
 

Eizawnna leh zirna
Kum 1942-ah Lower primary Ist Div-ah a passed a, 1947-ah class-IV a passed a, 1951-ah cl-VIII second div. ah a passed bawk a ni. May ni 13, 1952-ah Assam Regiment-ah a lut a, 1977-ah Subidar-ah kaiin 1981-ah a pension ta a ni.
 

Thih dan
March ni 13 zan pawh khan inkhawmin a la kal a, nat lawkna em em nei lovin zan lam a mut theih loh thu a sawi thrin a. March ni 14 zing karah a thawh hun tawh nia an ngaiha a thawh tak mai loh avangin an kai tho tur chu an kaitho zo ta lo a ni.

Pi Lalduhsaki(29) kan chan ta

Pi Lalduhsaki (Ma-Duhi) hi Upa Lalbiaksanga leh Pi Vanlalthlani te fa paruk zinga a naupang ber a ni a. Dt. 5.9.2003 khan Puituliana nen Ramhlun Sports Complex  Kohhranah Pro-Pastor Inaucha Singh kutah an innei a, fapa pahnih nei tawh in an fa pathumna tur hi hlim takin chhungkua in an nghak a.

 Tun tuma a nau pai hi a ute pahnih a pai lai aiin a hneh lo deuh ni pawhin a inhre thrin a. Doctor in neih hun tur a lo ruatpui angin Dt. 28.2.2011 khan tlai dar 5:00 ah nau nei turin an nupain Urban Health Centre, ramhlun North lam an pan dun a. Doctor leh Nurse te'n lo buaipuiin nau nei turin an lo buatsaih nghal a. Naute chu hring chhuak kim mai thei lovin a lu a tang ta tlat a, theihtawp chhuaha an beih hnuah Zanlai Dar 12:17 khan 4kg laia rit fapa duhawmtak chu a hring ta a, mahse naute hi a lo thi hman hlauh mai a. An fapa hi a pain a pian hma atang tawhin a hmingah Zothanfela a phuah tawh a ni.

Hetiang a nih tak avang hian Maduhi pawh hi Oxygen nena enkawl ngaiin a awm zui ta a. A nunna chhan tuma doctor leh nurse-ten theihtawp an chhuahna chu mihring lam tihtheih sang ber a ni. Mahse a chunga Pathian remruat chu kawng dang a lo ni a, mithiamte hriatnain a tlankhalh rual loh van Pathian thuneihna chuan an nufa thlarau chu a lo la ta zawk a ni.

Lawmthu (from Pi Ma-Duhi chhungte)
Kan chunga thil lo thlengah hian min neitu Pathian thuneihna leh rorel chu kan hnial hneh ta lova. Mihring lama kan duhna min tihhlawhtlinsak tura theihtawp chhuahtu Urban Health Centre-a Doctor leh Nurse te leh thawktu dang zawng zawngte chungah kan lawm em em a ni. Tin, kan thihna avanga lainattu kohhran leh khawtlang mipui, laina leh thian tha min tuarpuitu zawng zawngte hnenah kan chhungkua chuan lawmthu kan sawi tak meuh meuh a ni.

Pi Sumkungi Kum 82 Boral

Pi Sumkungi Kum 81 W/o Pu F. Kamlova(L) chu nimin 27th February, 2011 Pathianni Chawhma Inkhawm lai khan Biak In chhunga a awm laiin nikhawhrelovin a tlu thut a, Biakin atanga zawn chhuah niin Damdawiin panpui a ni a. Rei lote hnuah a boral zui ta nghal mai a ni.

Khawhar chhungte Pathianin awmpui rawh se. A thlalak kan ti lang thei hrih lo, remchan veleh kan rawn tarlang ange