Kan veng I

Kan Veng, (Ramhlun Vengthar) hi Aizawl vengah chuan veng naupang lo tak a ni ve ta reng a. Kum 1968 kum tawp dawn atanga luah tan a ni. Kum 1966-ah Mizoram pumah buaina a lo chhuak a, khaw tam tak Sipaiin an hal a, thenkhat an sawikhawm bawk a. Sipai phut luih hnatlang leh puak phurh (kuli) tam lutuk avang te, curfew avangtein mahni hna thawk hlei thei lo tamtak an awm a. Mi mangang, khawsak ngaihna hrelote cchuan Aizawl an pan ta hlawm a. Chutianga mangang tlan khawmte awmna atan sawrkarin a buatsaih a ni ber a. Khawkawi atanga pem, Pu Fanga te chhungkua chuan bawkte khawhin 1968 Krismas dawn tep khan he veng hi an luah a, an ni chhungkua hi kan veng luah hmasaber tu te an ni a, chumi hnu ah midang dang rawn lut ve lehin tunah chuan veng lian pawl tak a lo ni ta a ni.

He veng hi kum 1968 tawp lam atanga luah tanin kum 1969-ah chuan in 70 an tling chho ve tawh a. Hetih lai hian Ramhlun Village Council hnuaiah an awm a. Kan veng(Ramhlun Vengthar) atang pawh hian khatih hunlai khan Village Council-ah member pakhat chu telh ve thin a ni a. Heta Village Council member hemi veng aiawha thlan hmasak ber chu Pu C. Chhandama a ni. Veng awmthar nimahse mihring an pun chak ve avangin Ramhlun Village Council tan rorel harsatna a awm a. Chuvangin a veng bik atan mawhphurtu leh a tul ang anga ro rel ve turin 'Sanitation Committee' an din ta a. Sanitation Committee hotu hmasaber te chu hengte hi an ni :

Chairman : Pu L. Thanzauva 
Secretary : Pu C. Chhandama (L)
Treasurer : Pu L. Thangchina
Fin. Secy : Pu Tlawmlova (L)

He mite bakah hian Committee Member engemaw zat an awm bawk a. Kum 1982 atangin Ramhlun Vengthar hian Village Council a nei tan ve ta a. Village Council thlan hmasak ber chu hengte hi an ni :

President : Pu Chalchhunga (Elected)
Vice-President : Pu Thanzaua  (Elected)
Members : Pu Tlangbuaia (Elected)
Pu Dengliana (Nominated)
Secretary : Pu C. Chhandama.

(He Article hi la siamthat leh tur a ni a, hei aia kimchang zawk a siam tum a ni a, Introduction angreng deuh a publish a ni)